Lýsing á verkefninu
Bygging á 12 íbúðum í tveimur raðhúsum á Húsavík. Húsin verða tveggja hæða og byggð úr forsmíðuðum timbureiningum.
Sveitarfélagið Norðurþing er hluti af tilraunaverkefni HMS um uppbyggingu húsnæðismála á
landsbyggðinni og hefur verið unnið að samstarfsverkefni með húsnæðissamvinnufélaginu Búfesti hsf. og Faktabygg Ísland um að þróa verkefnið og leita leiða til þess að lækka byggingarkostnað svo hægt sé að bjóða upp á fjölbreytt og hagkvæmt íbúðaframboð í sveitarfélaginu. Verkefnið er fjármagnað með Landsbyggðarlánum frá Húsnæðis- og Mannvirkjastofnun.
